FERWAFA yahaye ikaze Bonnie Mugabe uherutse guhabwamo inshingano

Komite Nyobozi y’Ishyirahamwe ry’Umupira w’Amaguru mu Rwanda [FERWAFA], iyobowe na Perezida Shema Fabrice, yakiriye ku mugaragaro Bonnie Mugabe uherutse kugirwa Umunyamabanga Mukuru mushya w’iri shyirahamwe.

Uyu muhango wabaye ku wa Gatanu, tariki ya 28 Ugushyingo 2025, mu cyicaro cya FERWAFA i Remera, ukaba waraganiriwemo intambwe nshya mu rugendo yo guterwa mu rwego rwo kunoza imiyoborere y’umupira w’amaguru mu Rwanda.

Mu butumwa FERWAFA yanyujije ku mbuga nkoranyambaga zayo, yavuze ko iyi nama yayobowe na Perezida Shema yari igamije kwakira Bonnie Mugabe uzatangira inshingano ze ku wa 1 Ukuboza 2025.

Muri ubu butumwa, iri shyirahamwe ryagaragaje ko ryiteze ko uyu muyobozi mushya azafasha mu ntera nshya no mu cyerekezo gishya cyo guteza imbere ruhago nyarwanda.

Iki gikorwa kibaye nyuma y’icyumweru kimwe hatangajwe ko Mugabe ari we wahawe izi nshingano, ku wa 22 Ugushyingo 2025.

Yari asimbuye Mugisha Richard, Visi Perezida wa Kabiri Ushinzwe Tekinike muri FERWAFA, wari umaze amezi akora izi nshingano by’agateganyo kuva Komite Nyobozi yatangira imirimo yayo muri Kanama uyu mwaka.

INDI NKURU WASOMA :Al Hilal SC yajuririye icyemezo cya CAF

Bonnie Mugabe ni izina rizwi neza mu ruhando rwa ruhago nyarwanda n’akarere muri rusange, dore ko kuva mu 2018 kugeza mu 2020 yari ashinzwe amarushanwa muri FERWAFA. Nyuma y’iyi manda ye muri ruhago y’imbere mu gihugu, yakomereje muri FIFA, ahabona ubunararibonye bwagutse mu mikorere y’inzego z’umupira w’amaguru ku rwego mpuzamahanga.

Mbere y’uko yinjira muri ruhago nk’umukozi w’ibihembo mpuzamahanga, Bonnie Mugabe yari umwe mu banyamakuru b’imena bakurikiraga siporo mu Rwanda. Yakoreye The New Times Rwanda na KT Press mu gihe cy’imyaka myinshi, akurikirana imikino n’iterambere ryayo mu gihugu no mu karere.

Ku bijyanye n’amashuri, Bonnie Mugabe asoje amasomo ajyanye n’Imiyoborere n’Imicungire y’Umupira w’Amaguru muri Kaminuza ya Leicester mu Bwongereza.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c