Byose ukeneye kumenya ku irushanwa rya FIFA Series rizakinirwa i Kigali

U Rwanda rwashyizwe mu bihugu umunani byemejwe n’Impuzamashyirahamwe y’Umupira w’Amaguru ku Isi (FIFA) bizakira irushanwa rya FIFA Series 2026, rizaba muri Werurwe na Mata umwaka utaha mu minsi yagenwe n’amatariki y’imikino mpuzamahanga.

Iri rushanwa rishya ryateguwe na FIFA kigamije guha amahirwe menshi ibihugu bitandukanye yo gukina imikino mpuzamahanga hanze y’imbibi z’amashyirahamwe biyoborwamo.

Ni uburyo bufasha amakipe y’ibihugu guhura n’andi yo ku yindi migabane, ibintu bitajyaga biboneka kenshi cyane cyane ku bihugu bikiri kuzamuka mu mupira w’amaguru.

Uretse u Rwanda, ibindi bihugu bizakira iyi mikino ni Australia, Azerbaijan, Indonesia, Kazakhstan, Mauritius, Puerto Rico na Uzbekistan.

FIFA ivuga ko ibiganiro bikomeje n’andi mashyirahamwe ashobora kongerwamo nk’ibihugu byakira mu mezi ari imbere.

FIFA Series ni iki?

FIFA Series ni gahunda nshya yashyizweho mu Ukuboza 2022 hagamijwe kongerera amahirwe amakipe y’ibihugu gukina imikino mpuzamahanga idafite igitutu cy’irushanwa, ariko ifite ireme rimeze nk’irya shampiyona nto.

Ni inzira yo gufasha ibihugu biri kubaka ubunararibonye n’ubushobozi bw’ikipe, haba mu mikinire no mu mitegurire y’amarushanwa akomeye.

Icyiciro cy’ibanze cy’iyi gahunda cyabaye mu 2024 mu Misiri, aho amakipe yagabanyijwe mu matsinda mato agizwe n’ibihugu 4 maze bagahura mu mikino ya gicuti iri ku rwego rwo hejuru.

INDI NKURU WASOMA:Icyo abarimo Rwarutabura basaba ubuyobozi bushya bwa Rayon Sports

Uko FIFA Serie izakinwa

FIFA Series ntiteye nk’igikombe cy’isi. Ntigira amajonjora cyangwa imikino ya 1/2 cyangwa umukino wa nyuma. Ahubwo buri gihugu gihura n’ikindi mu mikino ibiri gusa.

Amanota abarwa nk’uko bikorwa muri shampiyona , naho indi myanya ntigira icyo ivuze ku bihembo kuko nta mafaranga y’agaciro ahabwa abitabiriye.

Mu 2024, Croatia ni yo yegukanye igikombe nyuma yo gutsinda Misiri 4-2, mu mikino yabereye mu kiciro cy’igerageza.

Akamaro ka FIFA Series ku mupira w’u Rwanda

Kuba u Rwanda ruri mu bihugu byatoranyijwe ni amahirwe yo kuzamura urwego rw’Amavubi no kugaragaza ubushobozi bwayo ku ruhando mpuzamahanga.

 Bizatanga uburyo bwo kumenyera imikinire y’andi makipe yo ku yindi migabane, kongerera abatoza n’abakinnyi ubunararibonye ndetse no guteza imbere isura y’u Rwanda mu bikorwa bijyanye n’imikino.

Nubwo nta bihembo by’amafaranga byateganyijwe,hari impinduka zitezwe zirimo no kuzamuka mu manota ya FIFA.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c