David Moyes yashimye Idrissa Gueye wakubise urushyi Michael Keane

Mu mukino wari ukomeye hagati ya Manchester United na Everton, wasize inkuru ikomeye  y’umukinnyi wasohowe mu kibuga kubera gukubita mugenzi we bakinana.

Idrissa Gueye, umukinnyi wo hagati w’imyaka 36, yahawe ikarita itukura nyuma yo gukubita Michael Keane nyuma yo gutongana ku munota wa 13 w’umukino 3.

Byatangiye ubwo ishoti rya Bruno Fernandes yatereye inyuma gato y’urubuga rw’amahana ryacaga hejuru gato y’izamu , maze Gueye agasanga Keane aramutonganya, bombi bisanga bashamiranye.

Umunyezamu akaba na kapiteni w’iyi kipe Jordan Pickford yahise yirukira kujya kubakiza, ariko Gueye yari yamaze kugira uburakari bwinshi ku buryo yanakubise urushyi mugenzi we. Umusifuzi Tony Harrington ntiyigeze atekereza kabiri—yahise amwereka ikarita itukura.

Nubwo yasohowe mu kibuga , Gueye yakomeje kurakara, anafata Pickford mu ijosi mbere yo kumusunika akamujyana mu rwambariro. Ariko ibi ntibyabujije Everton gukomeza kwitabara: ku munota wa 30, Kiernan Dewsbury-Hall yafunguye amazamu, bituma ikipe yari isigaye ari 10 gusa ikomeza guhangana kugeza isoje umukino itsinze ikanatahana amanota atatu y’ingenzi.

Nyuma y’umukino, umutoza David Moyes yavuze amagambo yatangaje benshi. Yagize ati: “Nkunda kubona abakinnyi banjye barwana, igihe hari uwakoze ikosa. Ubukana n’ubushake ni byo bikurura intsinzi. Ariko ndababajwe no gutakaza umukinnyi—niba wikoraho mugenzi wawe, amategeko arasobanutse.” Yongeyeho ko Gueye yasabiye imbabazi bagenzi be nyuma yo gusohorwa.

INDI NKURU WASOMA :RPL : Al Merreikh yatangiye itangira isomo kuri Kiyovu Sports

Abasesenguzi nka Gary Neville na Jamie Carragher banenze icyemezo cy’umusifuzi, bavuga ko gukubita kwabayeho kwari guke kandi ko byashoboraga  gukemurwa hatabayeho gutanga ikarita itukura.

Gueye ubwe yashyize hanze ubutumwa ku mbuga nkoranyambaga, avuga ati: “Ndasaba imbabazi Michael Keane n’ikipe yose. Ibyabaye ntibigaragaza indangagaciro zanjye. Nta mpamvu n’imwe yatuma nitwara gutyo. Ntibizongera kubaho.”

Gueye azasiba imikino ikurikira ya Newcastle, Bournemouth na Nottingham Forest, mbere yo kwerekeza mu Gikombe cya Afurika akinira Senegal.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c