Twatereye akajisho ku myitwarire y’abatezweho kujyana Amavubi muri CAN 2027

Mu mpera z’icyumweru dusoje benshi mu bakinnyi b’ikipe y’igihugu Amavubi amakipe yabo yamanukaga mu kibuga ;reka turebera hamwe uko bitwaye byumwihariko mu bagerageje kugirirwa icyizere cyo gukandagira mu kibuga ; Reka duhere kuri  Mugisha Bonheur, umukinnyi wo hagati w’Umunyarwanda ukinira Al Masyr yo mu Misiri, wongeye kwerekana urwego ruri hejuru mu mikino mpuzamahanga, nyuma yo gufasha ikipe ye kubona intsinzi ya mbere muri CAF Confederation Cup batsinzemo Kaizer Chiefs.

Ni umukino Mugisha yatsinzemo igitego cyafunguye amazamu, cyabonetse ku munota wa 59, cyaje gikurikiye ikarita y’umuhondo yari yahawe mbere y’uko igice cya mbere kirangira.

Ku ruhande rwa Kaizer Chiefs, umunyezamu w’Amavubi Ntwari Fiacre utarabasha kugaruka mu kibuga kubera imvune y’urutugu, ntiyabashije kwitabira uwo mukino.

Icyakora ikipe ye yabonye igitego cyo kwishyura ku munota wa 66, ariko Al Masyr yongera kuyirusha ubwo Mohamed Hashem yatsindaga icya kabiri ku munota wa 87, cyahesheje iyi kipe amanota atatu ya mbere mu Itsinda D.

Kuri Muhire Kevin ukinira Jamus SC yo muri Sudani y’Epfo ntiyagaragaye mu mukino wa gicuti ikipe ye yanyagiye Simba SC Juba 8-1, kubera ko aheruka kugira imvune. Ariko yamaze gusubukura imyitozo ndetse ariteguye kongera kugaruka mu kibuga.

Mu yindi mikino dushobora gusangamo abakinira ikipe y’igihugu, Manzi Thierry na Bizimana Djihad ba Al Ahly Tripoli yo muri Libya bari mu myiteguro y’umukino wa gicuti kuri uyu wa 24 Ugushyingo, mu gihe Biramahire Abeddy yaraye yicaye ku ntebe y’abasimbura ubwo ES Setif yanganyaga na Oran 0-0 mu Shampiyona ya Algeria.

Ishimwe Anicet wa Olympique Beja yinjiye mu kibuga ku munota wa 64 mu mukino ikipe ye yatsinzwemo na Club Africain 1-0, naho Nshuti Innocent ntiyagaragaye ubwo Espérance de Zarzis yatsindaga CA Bizertin 3-0 muri Tunisia.

INDI NKURU WASOMA:Lionel Messi ntago yatumye Cristiano Ronaldo yiharira ukuvugwa wenyine

Mu Bubiligi, Hakim Sahabo yakinnye igice cya kabiri ubwo Standard de Liège yanganyaga na Waregem 0-0. Samuel Gueulette we ntiyabanje mu kibuga muri RAAL La Louvière, ubwo batsindwaga na Anderlecht 1-0.

Muri Azerbaijan, Mutsinzi Ange ntiyakinnye ariko Zire FK ye yatsinze Gabala 1-0 mu mukino w’umunsi wa 12 wa Shampiyona.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c