Nyuma yo gutsinda Gicumbi FC, rutahizamu wa Police FC yatangaje ibikomeye

Nyuma y’umukino wa munani wa shampiyona y’u Rwanda [Rwanda Premier League], rutahizamu wa Police FC, Byiringiro Lague, akomeje kwerekana ko ari mu bakinnyi bari kwitwara neza muri iyi ntangiriro y’umwaka w’imikino.

Uyu musore wigeze gukinira APR FC, yongeye guhishura byinshi ku ntego ze, avuga ko yifuza kuba umukinnyi mwiza w’umwaka wa 2025–26 (MVP).

Byiringiro yabivugiye mu kiganiro yagiranye na ISIMBI, nyuma yo gutsinda igitego cy’intsinzi cyafashije Police FC kunyagira Gicumbi FC ibitego 2-1 ku wa Gatandatu w’icyumweru gishize, akanatorwa nk’umukinnyi w’umukino.

Uyu rutahizamu yavuze ko ari mu bihe byiza kandi ko yiyemeje gukora ibirenze ibyo amaze kugaragaza.

Yagize ati: “Intego ni ukuba umukinnyi mwiza w’uyu mwaka. Hamwe no gusenga ndetse no gukora cyane, mbona nzabigeraho. Ngeri ku murongo nifuza, kandi ngomba kuwukomeza kugeza ku munota wa nyuma.”

Nubwo yishimira uko ari kwitwara neza ku giti cye, Lague avuga ko atari yo ntego ya mbere, ahubwo ko icy’ingenzi ari ugufasha ikipe ye kwegukana igikombe cya shampiyona, ibintu Police FC itazi uko bisa mu myaka yose imaze ishinzwe kuva muri za 2000.

Yakomeje agira ati: “Intego nta yindi ni igikombe cya shampiyona. Turifuza kugitwara, ni yo mpamvu buri mukino tubitwaramo nk’aho ari finale. Iyo uri ku isonga, buri kipe irakugenza, ariko natwe turi kubyitwaramo neza.”

INDI NKURU WASOMA:Twatereye akajisho ku myitwarire y’abatezweho kujyana Amavubi muri CAN 2027

Kugeza ubu, Police FC ni yo iyoboye urutonde rwa shampiyona n’amanota 20 mu mikino 8, itsinze imikino 6, inganya 2 nta n’imwe iratsindwa.

Dushingiye ku mukinire y’iyi kipe ya Ben Moussa bigaragara  ko iyi kipe ifite ubushake bwo kutongera gutakaza amahirwe nk’uko byagiye bigenda mu myaka yashize.

Byiringiro Lague we avuga ko umusaruro bafite atari impanuka, ahubwo ko bishingiye ku mbaraga z’abatoza n’ubwitange bw’abakinnyi bose.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c