RPL : Al Hilal yaciye amarenga yo kuzakinisha ikipe ya kabiri

Mu mukino wahuje Al Hilal Omdurman na USM Alger mu irushanwa rya CAF Champions League ku itariki 21 Ugushyingo 2025, ikipe ya Al Hilal yitwaye neza itsinda ibitego 2-1, ibintu byashimishije abafana bayo n’abayikurikiraniraga .

Uyu mukino wabereye kuri Sitade Amahoro, wasusurukijwe n’imikinire myiza y’abakinnyi b’abahanga, ariko nyuma y’umukino, ibyo umutoza wa Al Hilal, Laurent Aurelian, yatangaje byongeye gutanga igitekerezo cyo gukoresha ikipe ya kabiri mu Shampiyona y’u Rwanda.

Mu kiganiro n’itangazamakuru nyuma y’umukino, Aurelian yagarutse ku kibazo cy’abakinnyi be b’ingenzi bazajya mu makipe y’ibihugu byabo, avuga ko bazabura mu mikino imwe n’imwe ya Shampiyona y’u Rwanda.

Yatangaje ko abakinnyi be bafite ubushobozi bwo kwitwara neza ndetse ko agiye kugerageza gukoresha ikipe ya kabiri muri Shampiyona, kugira ngo abakinnyi bose babone umwanya wo gukina no gukomeza kwitegura imikino y’ibyumweru biri imbere.

Yagize ati: “Nta kipe ya mbere cyangwa iya kabiri mfite. Mfite abakinnyi 30 bose bafite amahirwe angana. Ni yo mpamvu tuzakina tudafite bamwe mu bakinnyi bakomeye, ariko dufite abandi beza kandi buri wese afite ubushobozi bwo gukina.”

INDI NKURU WASOMA : Imbere ya Minisitiri Mukazayire ,APR na Gisagara zitwaye neza

Aurelian kandi yashimangiye ko nubwo bamwe mu bakinnyi bazaba batakinnye, ikipe izakomeza kwitwara neza, kuko akenshi iyo ikipe irimo guhangana ku rwego mpuzamahanga, igomba kwitonda mu guhitamo abakinnyi bazakina mu marushanwa atandukanye. Akavuga ko na CAF Champions League izakomeza kuba intego, ariko Shampiyona y’u Rwanda ikaba nayo izakenerwa kwitwarwamo neza.

Nyuma y’umukino na USM Alger, umutoza wa Al Hilal yavuze ko imvururu zagaragaye hagati y’abakinnyi bombi zidasanzwe, zikaba zarasubijwe inyuma n’igikorwa cya Polisi y’u Rwanda. Aurelian yasabye imbabazi abafana n’abakunzi b’umupira w’amaguru, avuga ko ibyo byabaye bitari bikwiye ku kibuga. Yagize ati: “Ibintu nka biriya ntibikwiye kuba ku kibuga. Turi hejuru yabyo, tugomba gukina umupira.”

Ku bijyanye no kwishimira intsinzi, umutoza yasobanuye ko nubwo byari bisanzwe kubyishimira, bitari ngombwa ko bigira ingaruka ku myitwarire y’abakinnyi. Yongeyeho ko kurwana cyangwa gukora ibintu bihubukiwe ku bakinnyi mu mpera za buri mukino ari ibintu atemera, ndetse ko azakomeza kugenzura imyitwarire y’ikipe ye mu bihe biri imbere.

Umukino wa mbere wa Al Hilal mu Shampiyona y’u Rwanda uzakurikira uzaba ku itariki 26 Ugushyingo 2025, aho bazahura na Police FC. Nubwo umukino wari uteganyijwe kubera kuri Sitade Amahoro, hari amakuru avuga ko ushobora kwimurirwa kuri Kigali Pele

Stadium.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_-C