Dore impamvu muzi yateye Muvunyi Paul kwisubiraho

Mu gihe abakunzi ba Rayon Sports bari biteze ko iki cyumweru kirarangira habaye Inteko Rusange Idasanzwe yari yitezweho gukemura amakimbirane amaze iminsi avugwa muri iyi kipe, ubuyobozi bwatangaje ko iyi nteko itakibaye, icyemezo cyafashwe ku munota wa nyuma kubera impungenge z’umutekano n’imyumvire itarajya hamwe hagati y’abayobozi.

Paul Muvunyi, Umuyobozi w’Inama y’Ubutegetsi ya Rayon Sports, ni we washyize umukono ku itangazo ryasohotse mu gitondo cyo kuri uyu wa Mbere tariki ya 17 Ugushyingo 2025, rimenyesha abanyamuryango ko Inteko Rusange yari iteganyijwe ku wa 22 Ugushyingo 2025 isubitswe.

Iryo tangazo rigira riti: “Ubuyobozi bw’Umuryango wa Rayon Sports buramenyesha abanyamuryango bawo ko Inama y’Inteko Rusange yari iteganyijwe tariki ya 22/11/2025 isubitswe. Indi tariki izakorerwaho muzayimenyesha mu minsi iri imbere.”

Iyi nteko yari yatumijwe ku itariki ya 14 Ugushyingo 2024 nk’Inama Idasanzwe, igamije kuganirirwamo ku buryo uyu muryango uhagaze ndetse no gushaka ibisubizo by’ibibazo bimaze igihe bivugwa imbere mu buyobozi.

Byari byitezwe ko igikorwa kibera kuri Delight Hotel, kikitabirwa n’abagize Inteko Rusange bose.

Gusa nk’uko amakuru The DRUM yamenye abyemeza, iki cyemezo cyo gusubika cyaturutse ku mpungenge ko inama itari kugenda neza. Ku mugoroba wo ku Cyumweru habaye inama yahuje Inama y’Ubutegetsi na Komite Nyobozi, ariko irangira nta murongo uhamye ugezweho.

Abari bahari batubwiye ko ikiganiro cyarangwaga n’uruhurirane rw’ibitekerezo bitandukanye, abenshi bagatinya ko iyo bibaye imbere y’Inteko Rusange byaviramo akavuyo.

Ibyo ni byo byatumye Paul Muvunyi afata icyemezo cyo gutanga umwanya wo gukosora ibintu, mbere yo kongera guhamagarira abanyamuryango guteranira hamwe.

INDI NKURU WASOMA : Erling Halland yateye ikirenge mu cya Se wabikoze mu 1998

Hari n’amakuru avuga ko ubuyobozi bwamaze kumenyesha inzego za Leta kugira ngo mu gihe Inteko Rusange izasubukurwa hazabe hari n’inzindi nzego zishinzwe umutekano n’imiyoborere, bigafasha ko ibiganiro bigenda mu mucyo.

Abakurikiranira hafi ibibera muri Rayon Sports bavuga ko mu minsi ishize hagiye hagaragaraga ubushyamirane budasanzwe mu bayobozi, biturutse ku bibazo by’imitegekere, imikoreshereze y’umutungo n’icyerekezo k’ ikipe.

Kugeza ubu, nta yindi tariki yatangajwe izaberaho iyi nama, ariko ubuyobozi bwijeje ko buzahita buyimenyesha abanyamuryango mu gihe ibintu bizaba bimeze neza.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_-C