Uwakiniye Chelsea yafashwe n’umutima yikubita hasi

Umunyabrazil Oscar dos Santos Emboaba Júnior, wahoze ari umukinnyi wo hagati muri Chelsea ndetse n’ikipe y’igihugu ya Brazil, ari mu bitaro nyuma yo kugira ikibazo cy’umutima ubwo yari mu myitozo ye ya mbere muri São Paulo FC.

Nk’uko byatangajwe n’ubuyobozi bw’ikipe ya São Paulo, Oscar w’imyaka 34 yarwaye kuva kuwa Kabiri ubwo yari ari gukorerwa ibizamini by’ubuzima n’imbaraga byabanjirije umwaka w’imikino.

Amakuru avuga ko yari ari ku mashini yo kugenda ku maguru (exercise bike) ubwo yagwaga hasi, agatakaza ubwenge mu minota ibiri.

Itangazo ry’ikipe ryasohowe mu gitondo cyo kuri uyu wa Gatatu rivuga riti:“Oscar yagize ikibazo cyerekeye umutima, ahita atabarwa n’abaganga b’ikipe ndetse n’ab’Ibitaro bya Einstein Hospital Israelita bari bahari icyo gihe. Nyuma yaho, yajyanywe mu bitaro aho ubu ameze neza kandi ari kwitabwaho n’abaganga bakomeje kumukorera ibindi bizamini kugira ngo basobanukirwe impamvu nyayo y’ikibazo yagize.”

Oscar yagarutse muri São Paulo mu Ukuboza 2024, nyuma y’imyaka umunani yari amaze mu Bushinwa akinira Shanghai SIPG. Ubu afite amasezerano y’imyaka itatu azarangira mu 2027, aha kandi akinana n’abandi bakinnyi bakuze na Hernán Crespo, wahoze ari rutahizamu wa Chelsea na Argentine.

INDI NKURU WASOMA : FIFA irashinjwa gushyiraho imiryango y’abahagarariye abakinnyi ya baringa !

Amakuru yatangajwe n’ikinyamakuru Globo Esporte cy’i Brazil avuga ko Oscar ashobora gutekereza guhagarika gukina umupira vuba, bitewe n’uko abaganga bashobora kumugira inama yo guhagarika gukina kubera ubuzima bwe.

Oscar, wamenyekanye cyane muri Premier League hagati ya 2012 na 2017 akinira Chelsea, azwiho ubuhanga bwo guhuza umukino no gutanga imipira ivamo ibitego. Yakiniye Brazil inshuro 48, atsindira igihugu cye ibitego 12.

Kugeza ubu, São Paulo FC yavuze ko izakomeza gutangaza amakuru mashya ajyanye n’ubuzima bwa Oscar mu gihe ibizamini byose bizaba byarangiye.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_