Ureberera inyungu za Lamine Yamal yamutangajeho byinshi!

Ureberera inyungu za Lamine Yamal, Jorge Mendes, yatangaje amagambo akomeye kuri uyu wa Gatanu, agira icyo avuga ku bibazo n’ibihuha bimaze igihe bivugwa ku mukinnyi we.

Mu kiganiro yagiranye na Mundo Deportivo, Mendes yasobanuye ko Yamal ameze neza, kandi ko ibivugwa byose bidafite ishingiro.

Mendes yavuze  ati :“Sinumva impamvu y’amagambo yose ari kuvugwa kuri Lamine Yamal. Twese twigeze kuba mu myaka 18, tukiri urubyiruko. Nk’uko Perezida Laporta yabivuze, ikingenzi ni ukumushyigikira no kumufasha uko bishoboka, kuko ari umutungo w’agaciro gakomeye kuri FC Barcelona,”
.

Mu byumweru bishize, uyu mukinnyi w’imyaka 18 yagaragaye cyane mu itangazamakuru, ndetse bamwe batangira kuvuga ko yaba atagifite umwete uhagije wo kwibanda ku kibuga. Gusa umujyanama we ashimangira ko ibyo byose ari amagambo adafite ishingiro.

“Lamine azi neza icyo asabwa gukora haba mu kibuga no hanze yacyo. Ni umwana utekereza kandi wicisha bugufi. Akora cyane kandi avuga gake, kuko azi ko umukino we ari wo uvuga kurusha amagambo.”

INDI NKURU WASOMA : Premier League : Ruben Amorim yatowe nk’umutoza mwiza w’Ukwakira

Mendes yakomeje ashimangira ko impano ya Yamal idasanzwe, kandi ko imikino yagiye akina ibigaragaza:

“Mu mukino baheruka na Club Brugge, yabashije gukora ibitangaza. Ni ibintu bidashoborwa n’umukinnyi usanzwe. Lamine afite impano yihariye, kandi buri mukino yitwaramo nk’umuntu witeguye kuzagera kure cyane.”

Ku bijyanye n’abakinnyi Yamal ashobora gufatiraho urugero, Mendes yagize ati:“Ntitwagombye kumugereranya n’undi muntu. Ariko byumvikana ko abakinnyi nka Lionel Messi, Cristiano Ronaldo cyangwa Andres Iniesta ari ibyitegererezo bikomeye. Lamine afite aho yakuye urugero rwiza, kandi niba akomeje gukora cyane, azaba umukinnyi w’imyaka makumyabiri iri imbere, atari uw’imyaka mike gusa.”

Mu minsi yashize, hari amakuru yavugaga ko ubuyobozi bwa Barcelona bwaba bwaragerageje kugabanya kugaragara kwa Yamal mu bitangazamakuru kugira ngo yongere kwibanda ku mupira we.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_