Aho ibya Ben Moussa na Police FC ye ntibyatangiye kwicayura ?

Kuri uyu wa Gatanu tariki ya 7 Ugushyingo 2025, kuri Stade ya Kigali i Nyamirambo, ikipe ya Police FC yanganyije na AS Kigali 0-0 mu mukino w’umunsi wa karindwi wa Shampiyona y’u Rwanda, bitangira gutera benshi kwibaza niba iyi kipe y’Igipolisi k’Igihugu itangiye kugabanya umuvuduko yari ifite.

Police FC yari yagiye muri uyu mukino iyoboye urutonde rwa Shampiyona, imaze gutsinda imikino myinshi ndetse yarakusanije amanota yose abiri yatakaje ubwo yanganyaga na Mukura VS.

 Ku rundi ruhande, AS Kigali yari imaze gutsinda umukino umwe gusa muri itandatu ibanza, bityo benshi bayifata nk’itarashyira ibintu ku murongo.

Umukino watangiye Saa Cyenda z’amanywa, amakipe yombi yinjira mu kibuga afite ishyaka n’umuvuduko ariko kubona inzira yerekeza mu izamu birangira bigoye.

Ku munota wa 30, Police FC yabonye uburyo bwa mbere bukomeye ubwo Ani Elijah yacengaga neza abakinnyi ba AS Kigali ariko akabura uburyo bwo gushyira umupira mu izamu, ab’AS Kigali bawukuraho.

Igice cya mbere cyarangiye ari 0-0, ariko abakinnyi bahanganaga mu kibuga wabonaga ko amakipe yombi afite imbaraga zingana, nta n’imwe irusha indi mu buryo bugaragara.

Mu gice cya kabiri, abatoza bombi bakoze impinduka bagamije gushaka igitego cyatsinda umukino. Ku ruhande rwa Police FC, Kwitonda Alain Bacca yasimbuwe na Tia Christian mu rwego rwo kongera imbaraga mu busatirizi.

INDI NKURU WASOMA : CAF yagaragaje ko ruhago nyafurika yamaze kurenga imbibe z’umugabane

 Ku munota wa 65, Gakwaya Leonard yabonye amahirwe akomeye ku mupira yari ahawe na Ishimwe Christian, ariko awutera hanze gato.

AS Kigali nayo yagerageje uburyo bwo kubona igitego ku munota wa 70, ubwo Tuyisenge Arsène yakorerwaga ikosa batanga kufura itagize icyo itanga. Koruneri ebyiri zakurikiyeho nazo ntizabyaye umusaruro.

Umukino warangiye amakipe yombi anganyije ubusa ku busa. Police FC yahise ikomeza kuguma ku isonga n’amanota 15 mu mikino irindwi, ariko ikaba imaze kunganya inshuro ebyiri zikurikiranya.

Abasesenguzi ba ruhago nyarwanda batangiye kwibaza niba iyi kipe iri kugerwaho n’umunaniro cyangwa niba andi makipe atangiye kuyimenya neza.

Police FC izagaruka mu kibuga mu cyumweru gitaha ihura na Gorilla FC, mu gihe AS Kigali izakina na Etincelles FC.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_