Yanga yirukanye umutoza nyuma yo gutsindwa inshuro imwe gusa !

Yanga SC yo muri Tanzania, yatangaje ku mugaragaro ko yasezereye umutoza mukuru wayo , Romain Folz, nyuma y’igihe gito yari amaze ahawe izi nshingano.

Uyu mutoza w’Umufaransa yahagaritswe mu buryo butunguranye nyuma yo gutsindwa na Silver Strikers yo muri Malawi igitego 1-0 mu mikino y’amajonjora ya kabiri ya CAF Champions League, umukino wabereye kuri Bingu National Stadium ku wa Gatandatu.

Mu itangazo rigufi ryashyizwe ahagaragara n’ubuyobozi bwa Yanga SC ku Cyumweru, bemeje ko amasezerano n’uyu mutoza yahagaritswe ako kanya.

 Bati:“Ubuyobozi bwa Young Africans Sports Club buramenyesha abafana bayo ko bwahagaritse amasezerano bwari bufitanye n’Umutoza mukuru w’ikipe ya mbere, Romain Folz.”

Folz yari yageze muri Yanga muri Nyakanga 2025, aho yahise atwara igikombe cya Community Shield batsinze abakeba babo , Simba SC. Yari yanayigejeje mu cyiciro cya kabiri cy’imikino ya CAF Champions League.

INDI NKURU WASOMA : Rwanda Premier League : Rayon Sports yakuyeho amapfa y’intsinzi , As Kigali yitwara neza 

Nubwo yari Atari yagatsinzwe kuva yafata iyi kipe kugeza kuri uyu mukino, igitutu cyari cyatangiye kwiyongera nyuma yo kunganya na Mbeya City muri shampiyona, ndetse no kunengwa ku buryo ikipe ye yakinaga.

Yanga yatangaje ko mu gihe hagishakwa umutoza mushya, ikipe izaba itozwa by’agateganyo na Patrick Mabedi, wahoze ari kapiteni wa Kaizer Chiefs ndetse n’umutoza mukuru w’ikipe y’igihugu ya Malawi.

Twabibutsa kandi ko Mabedi yari aherutse kwinjira mu itsinda ry’abatoza ngo afatanye na Folz, none ahise azamurwa mu nshingano.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm