Twamenye amatariki Tour du Rwanda yo muri 2026 izaberaho 

Ishyirahamwe ry’Umukino w’Amagare mu Rwanda (FERWACY) ryatangaje ko Isiganwa Mpuzamahanga ry’Amagare rizenguruka u Rwanda, Tour du Rwanda 2026, rizaba guhera tariki ya 22 Gashyantare kugeza ku ya 1 Werurwe 2026.

Ni inkuru yatangajwe ku mugaragaro kuri uyu wa Gatatu, tariki ya 15 Ukwakira 2025, aho FERWACY yemeje ko n’Impuzamashyirahamwe y’Umukino w’Amagare ku Isi (UCI) yamaze kubiha umugisha.

Iri rushanwa rizaba ribaye ku nshuro ya 18 kuva ryatangira kuba mpuzamahanga, rikaba rigiye kuba ku nshuro ya munani kuva ryazamurwa rigashyirwa ku rwego rwa 2.1,nk’ urwego rukomeye cyane mu marushanwa y’amagare ku isi.

Muri uyu mwaka wa 2025, Tour du Rwanda yegukanywe n’Umufaransa Fabien Doubey, ukinira ikipe ya TotalEnergies yo mu Bufaransa ,mu nshuro zirindwi ziheruka, iri siganwa ryakunze kurangwa no kwiharirwa n’abakinnyi barimo Merhawi Kudus (2019), Natnael Tesfazion (2020 na 2022), Henok Mulubrhan (2023), Cristian Rodriguez (2021), na Joseph Black (2024).

INDI NKURU WASOMA : Rutahizamu w’Amavubi yasinye muri Ethiopia 

Nubwo u Rwanda rwakomeje gutegura iri siganwa neza, ntabwo ruragira Umunyarwanda uritwara kuva ryazamurwa ku rwego rwa 2.1.

Gusa Mugisha Moïse yagaragaje ko bishoboka, ubwo yegukanaga agace kamwe muri Tour du Rwanda kuva yashyirwa kuri uru rwego.

FERWACY iteganya ko gahunda y’amakipe azitabira n’inzira zizakoreshwa izatangazwa mu Ugushyingo 2025.

Iri shyirahamwe ryanashimangiye ko Tour du Rwanda imaze kwimakaza isura y’u Rwanda mu ruhando mpuzamahanga, by’umwihariko mu guteza imbere ubukerarugendo bushingiye ku mikino.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm