Amakipe yose yamaze kubona itike y’Igikombe cy’Isi cya 2026

Amakipe menshi akomeje urugamba rukomeye rwo gushaka itike yo kwerekeza mu gikombe cy’Isi cya 2026, mu gihe andi yamaze gukatisha itike .

Iki gikombe kizabera ku butaka bwa Leta Zunze Ubumwe za Amerika, Mexique na Canada, kizitabirwa n’amakipe 48, bikaba byaratumye amahirwe yo kukitabira yiyongera ku bihugu byinshi.

Kugeza ubu, amakipe 21 niyo yamaze kubona itike, harimo ayo ku mugabane wa Afurika nka Misiri na Algeria babonye itike mu cyumweru.

Amakipe yamaze kubona itike

Amakipe arimo Ubuyapani, Nouvelle-Zélande, Iran, Argentine, Uzbekistan, Koreya y’Epfo, Yorodani, Australie, Brésil, Equateur, Uruguay, Colombie, Paraguay, Maroc, Tunisie, Misiri, Algeria, Ghana ndetse n’Ubudage na Mexique ; yamaze kwemeza ko azitabira iyi mikino izaba mu 2026.

Amakipe acyirwana no kubona itike

Mu Burayi [UEFA]

Mu Burayi, u Bwongereza bushobora kubona itike nibutsinda Latvia, ndetse Serbia igatsindwa cyangwa ikanganya imikino yayo ibiri.

 Nyuma yo gutsinda Georgia ,Espagne na yo ikeneye gutsinda Bulgarie ariko nanone bigashingira kuri Turkey mu gihe yaba idatsinze imikino yayo.

Norvège nyuma yo gutsinda Israël, irasabwa gutsinda Ubutaliyani ,igahita igaruka mu gikombe cy’isi nyuma y’imyaka 28.

Portugal iramutse itsinze Irlande na Hongrie, hanyuma byibuze ikanganya na Armenie, yahita ibona itike.

INDI NKURU WASOMA : Shema Fabrice yitsije ku iterambere ry’abato nk’igisubizo ku Amavubi 

Muri Afurika (CAF)

Cape Verde yo isabwa gutsinda kugira ngo yandike amateka yo kwitabira bwa mbere, naho Cameroun yo irayikeneye bikomeye ariko bigashingira ku musaruro wa Cape Verde ifitanye umukino na Eswatini.

Nigeria, Afurika y’Epfo na Bénin bari mu itsinda  C ririmo n’ikipe y’igihugu Amavubi ruracyageretse, aho byose byashoboka bitewe n’ibitego no gutsindanwa gushobora ku mikino ya nyuma.

AFC na CONCACAF

Muri Aziya, Saudi Arabia iramutse itsinze Iraq yahita ibona itike, mu gihe Qatar ikeneye gutsinda UAE hanyuma Oman ikananirwa gutsinda.

Ku ruhande rwa CONCACAF, nta kipe n’imwe irabona itike. Imikino nka Honduras vs Haiti ndetse na Jamaica vs Curaçao izaba ingenzi mu rugamba rwo kubona itike.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm