Julian Nagelsmann yifatiye ku gahanga abacyerensa urwego rwa Florian Writz

Nyuma y’ibyumweru bitari bike by’igitutu ku mukinnyi w’imyaka 22 w’Umudage, Florian Wirtz, umutoza w’ikipe y’igihugu y’u Budage, Julian Nagelsmann, yavuze ko ibihe bikomeye ari kunyuramo muri Liverpool bituruka ku bintu bidaturuka ku bushobozi bwe.

Uyu musore washimangiye ubushobozi bwe ubwo yafashaga Bayer Leverkusen kwegukana igikombe cya Bundesliga bwa mbere mu mateka y’iyo kipe muri 2024, yaguzwe na Liverpool mu mpeshyi ya 2025 ku mafaranga yarenze miliyoni 150 z’amadolari, nyuma y’uko yifujwe n’amakipe akomeye nka Bayern Munich na Manchester City.

Gusa kugeza ubu, Wirtz ntiyari yigaragaza  nkuko yabikoraga mu Budage bijyanye nuko mu mikino irindwi ya Premier League amaze gukinira Liverpool, nta gitego aratsinda, ndetse n’umupira uvamo igitego yari yatanga, usibye uwo yatanze ubwo yakinaga umukino wa Community Shield na Crystal Palace muri Kanama.

Ariko Nagelsmann avuga ko uyu mukinyi  akwiye guhabwa igihe kugirango yakire imikinire mishya ya Liverpool ;aho yagize ati :  “Nubwo ataratsinda igitego na kimwe, ni we mukinnyi urema amahirwe menshi yo gutsinda kurusha abandi muri Premier League .

“Ntabwo ari we utabikora neza ahubwo mu igihe abo bakinana batabyaza umusaruro ayo mahirwe bifatwa gutyo. Iyi mibare  ntivuga ukuri kose. Wirtz akeneye gusa kumenyera shampiyona nshya.”

INDI NKURU WASOMA : AMAFOTO – Rwanda Premier League yanonosoye iby’imitangire y’ibihembo by’abitwaye neza

Ibi birahura n’ibyo bamwe mu basesenguzi, barimo Jamie Carragher, bavuga ko atari igihe cyo gutangira gupima ubushobozi bwe. Carragher aherutse gutangaza ko Wirtz asa nk’uwatakaye mu mikinire ya Liverpool, ndetse ko byaba byiza ashyizwe ku ntebe y’abasimbura agahabwa umwanya wo kwisubiraho.

Ku rundi ruhande, abakinnyi bakinana na Wirtz mu ikipe y’igihugu bavuga ko babona ari gukora cyane, kandi ko agifite icyizere cyo kugaruka ku rwego rwe. Mu mukino wahuje u Budage na Luxembourg warangiye batsinze ibitego 4-0, Wirtz yatanze imipira myinshi yavuyemo amahirwe y’ibitego.

Liverpool, itari mu bihe byiza nyuma yo gutsindwa imikino itatu yikurikiranya irimo n’uwa Champions League na Galatasaray, ifite urugamba rukomeye imbere aho izakira Manchester United.

Arne Slot, umutoza mushya wa Liverpool, aragomba guhitamo niba Wirtz akwiye gukomeza guhabwa amahirwe cyangwa niba agomba gufatirwa ingamba zirimo no kwicazwa.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm