FIFA W.C 2026 Q : Amakipe arimo Benin yateye intambwe iyaganisha ku kubona itike  

Mu gihe hasozwaga umunsi wa 9 w’amatsinda yo gushaka itike y’igikombe cy’Isi cya 2026 ku mugabane wa Afurika, amakipe nka Senegal, Côte d’Ivoire na Benin yakomeje gusatira itike iberekeza muri Leta Zunze Ubumwe za Amerika, Canada na Mexique.

Ikipe y’igihugu ya Benin yitwaye neza mu mukino yatsinzemo u Rwanda 1-0 i Kigali, gitego cyatsinzwe na Aiyegun Tosin ku munota wa 80, kiba ari cyo cyatumye Benin ifata umwanya wa mbere mu itsinda C, irusha South Africa na Nigeria, aho iri imbere ya Bafana Bafana n’amanota abiri. Ni ubwa mbere mu mateka yayo iyi kipe yisanze ifite amahirwe yo kugera ku gikombe cy’Isi.

Mu yindi mikino y’iri tsinda, South Africa yanganyije na Zimbabwe 0-0 i Durban mu gihe Nigeria yatsinze Lesotho ibitego 2-1 i Polokwane, ibifashijwemo na William Troost-Ekong na rutahizamu mushya Akor Adams.

INDI NKURU WASOMA :Arsenal yahaniwe amakosa yakoreye ku mukino wa Manchester United

Ibi bisize Nigeria iri inyuma ya Afurika y’Epfo n’inota rimwe gusa kuko Nigeria ifite 14 mu gihe Bafana Bafana ifite amanita 15, ibintu bituma imikino yo ku munsi wa 10 itegerejwe n’iyonka, dore ko Nigeria izacakirana na Benin i Uyo, naho Afurika y’Epfo yerekeze i Nelspruit kwakira u Rwanda.

Mu itsinda B, Senegal yihanangirije South Sudan iyitsinda ibitego 5-0 i Juba, aho Ismaila Sarr yatsinze ibitego bibiri. Gusa DR Congo ntishaka kurekura, kuko nayo yatsinze Togo igitego 1-0 i Lomé, ku gitego cya kare cya Cédric Bakambu, byatumye ikomeza kuba inyuma ya Senegal n’amanota abiri gusa.

Mu itsinda F, Côte d’Ivoire yatsinze Seychelles ibitego 7-0, mu mukino wakinirwaga i Saint Pierre muri Maurice, ibi byatumye iyi kipe ikomeza kuba iyambere igakurikirwa na Gabon.

Kuri uyu wa Gatandatu tariki ya 12 Ukwakira, hazatangira umunsi wa nyuma w’amatsinda.

Urutonde rw’itsinda C

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm_