Uheruka guhamagarwa n’Amavubi ashobora kutazagaragara ku mukino wa Benin

Rutahizamu wa Sabah FK, Joy-Lance Mickels, ashobora kutitabira ubutumire bw’Ikipe y’Igihugu y’u Rwanda, Amavubi, nyuma yo kuvunika mu mukino wa shampiyona ya Azerbaijan.

Mickels yavunikiye mu mukino wahuje Sabah FK na FK Karvan Evlakh, wabaye ku Cyumweru, tariki ya 5 Ukwakira 2025, aho Sabah yatsinze 2-0.

Uyu mukino wari uw’umunsi wa Karindwi wa Shampiyona ya Azerbaijan, aho Mickels yafunguye amazamu ku munota wa 31 mbere y’uko Kaheem Parris yatsinda igitego cya kabiri nyuma y’iminota itandatu.

INDI NKURU WASOMA BIFITANYE ISANO : Imibare ya APR FC imbere ya Pyramids FC ya mbere muri Afurika ubu

Gusa, ku munota wa 11 w’inyongera, ubwo umukino wari ugiye kurangira, Mickels yagonganye n’umunyezamu wa FK Karvan Evlakh, Kamran Ibrahimov, ahita ajyanwa ku ivuriro.

Abaganga ba Sabah FK babanje kumuvurira mu kibuga ariko kubera ko imvune yari ikomeye, byasabye ko ajyanwa  mu bitaro hakoreshejwe imbangukiragutabara. Icyakora, kugeza ubu, nta makuru arambuye yari yatangazwa ku bwoko bw’iyi mvune Mickels yagize cyangwa igihe azamara hanze y’ikibuga.

Ibi bituma Mickels ashobora kuba atazagaragara mu mikino ibiri y’ingenzi Amavubi azahuramo na Bénin tariki ya 10 Ukwakira 2025, ndetse no gusura Afurika y’Epfo tariki ya 14 Ukwakira 2025.

Mickels, wavutse tariki ya 29 Werurwe 1994, afite imyaka 31 y’amavuko. Nyina ni Umunye-Congo naho se ni Umunyarwanda, Mickels Jacques Akilimali. Yavukiye mu Budage; yatangiye gukina umupira w’amaguru afite imyaka ine. Yatangiye mu ikipe y’abato ya VSF Amern, nyuma akajya mu ishuri rya Borussia Mönchengladbach, aho yamaze imyaka umunani.

Mu mwaka w’imikino wa 2012/13, Mickels yigaragaje cyane mu Ikipe y’Abatarengeje imyaka 19 ya Borussia Mönchengladbach, atsinda ibitego 17 ndetse atanga imipira itatu ivamo ibitego, bituma ikipe ye igera muri 1/2 cya DFB Junior Cup. Nyuma yaho, yahise azamurwa mu ikipe ya kabiri ya Borussia Mönchengladbach II, ahava ajya muri Schalke 04 II.

Mickels yakiniye amakipe menshi akomeye mu Budage na mu Burayi, harimo Alemannia Aachen, Wacker Nordhausen, FC Carl Zeiss Jena, ndetse no mu Buholandi muri MVV Maastricht. Nyuma y’umwaka umwe muri MVV, yerekeje muri Sabah FK yo mu Cyiciro cya Mbere cya Azerbaijan, aho yatsinze ibitego 29 mu myaka ibiri.

Uyu rutahizamu si we wenyine ufite impano mu muryango we, kuko na bagenzi be babiri, impanga ye Joy-Slayd Mickels na murumuna we Leroy-Jacques Mickels, nabo bakina umupira w’amaguru.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm_