EXCLUSIVE – Abarimo Minisitiri Mukazayire batanze ishusho ngari mbere y’itangira rya Shampiyona y’Isi

Mu gihe u Rwanda rwitegura kwakira Shampiyona y’Isi y’Amagare izabera i Kigali kuva ku itariki ya 21 kugeza ku ya 28 Nzeri 2025, Ubuyobozi bw’Umujyi wa Kigali, bwasabye abaturage kwitegura kwitabira ibi birori aho kubifata nk’igihe cyo kuguma mu ngo.

Mu kiganiro gitegura iri siganwa rigiye kwakirwa n’umujyi wa Kigali yahaye itangazamakuru cyabereye kuri Stade Amahoro, Meya Dusengiyumva Samuel,  yagaragaje ko hari abacyibwira ko kuba hari imihanda izafungwa mu gihe cy’irushanwa ari ikimenyetso cya “guma mu rugo”, nyamara ngo si ko bimeze.

Aho yagize ati: “Iyo abantu bakiriye ibirori by’amateka, ntabwo ari umwanya wo kuguma mu rugo ahubwo ni uwo kugenda ukareba.”

Yasobanuye ko imihanda izajya ifungwa hakurikijwe igihe irushanwa ritangirira, kandi ko indi mihanda yahinduriwe imikoreshereze kugira ngo ubuzima busanzwe bukomeze.

Ati :“Nk’iminsi ine ya mbere irushanwa rizaba riri muri Kicukiro na Remera, ariko n’ahandi ubuzima buzakomeza nk’uko bisanzwe.

“Uyu ni umwanya wo kwerekana ubushobozi bwacu. Twongeye amasaha y’akazi kugira ngo abashyitsi bacu basigare bafite isura nziza ya Kigali.”

Ibi byahamijwe n’Umuvugizi wa Polisi y’Igihugu, ACP Boniface Rutikanga, werekanye ko kwakira Shampiyona y’Isi y’Amagare ari igihe cyiza cyo gupima ubushobozi bw’uru rwego mu gucunga umutekano no kongera gutanga ubutumwa ku mahanga, ko u Rwanda ari igicumbi cy’imikino n’imyidagaduro.

INDI NKURU WASOMA BIFITANYE ISANO :  Maresca yifashishije urugero rwa Se mu gusobanura ikibazo cya Sterling na Disasi

Ni no muri iki kiganiro n’Itangazamakuru, Minisitiri wa Siporo, Nelly Mukazayire, yatangaje ko abakinnyi 918 baturutse mu bihugu 110 ari bo bazitabira iyi Shampiyona y’Isi y’Amagare izabera i Kigali kuva ku wa 21 kugeza ku wa 28 Nzeri 2025.

Yongeyeho ko kandi ku nshuro ya mbere mu mateka iri siganwa rizatangirira mu nzu isakaye, aho ku Cyumweru rizatangirira muri BK Arena.

Ku munsi wa mbere, abakinnyi bazahagurukira kuri BK Arena banyure mu mihanda inyuranye ya Kicukiro, Gahanga na Bugesera, basoreze kuri Kigali Convention Centre. Uwo muhanda uzakoreshwa iminsi ine, ahanini mu cyiciro cyo gusiganwa n’ibihe.

Iminsi ikurikiyeho izibanda mu bice bya Nyarutarama, Nyamirambo na Nyabugogo, aho amasiganwa azagenda atambutsa isura nyayo y’Umujyi wa Kigali. Ku munsi wa nyuma, hazaba isiganwa ryo gusoreza ku nshuro ya cyenda mu murwa mukuru, rizasiga amateka ku rwego rw’Isi.

Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .

Uyu munsi muri Shampiyona y’ikiciro cya mbere muri Espanye [ LA LIGA] ikipe ya Real Betis iraza kuba yakiriye Real Sociedad .

Gutsinda kwa Real Betis bikubiye 2.02 kunganya kwayo bikubiye 3.55 mu gihe gutsinda kwayo bikubiye 3.85.

REAL BETIS – REAL SOCIEDAD

Umukino uratangira: 21:00

Tega nonaha!