FIFA yashyize igorora amakipe azatanga abakinnyi bazakina igikombe cy’isi cy’ibihugu

Impuzamashyirahamwe ry’Umupira w’Amaguru ku Isi [FIFA] ryamaze gutangaza  ko rigiye kugenera miliyoni 355 z’amadolari y’Amerika amakipe azatanga abakinnyi mu mikino y’Igikombe cy’Isi cya 2026, amafaranga azatangwa kuva mu majonjora kugeza ku mikino ya nyuma.

Aya makuru yatangajwe ku mugaragaro kuri uyu wa Kabiri, tariki ya 16 Nzeri 2024, binyuze ku butumwa Perezida wa FIFA, Gianni Infantino, yashyize ku mbuga nkoranyambaga ze.

Infantino yagaragaje ko aya mafaranga ari igice cy’uburyo bushya bwo gusaranganya inyungu ziva mu marushanwa akomeye, by’umwihariko ku makipe atanga abakinnyi.

Ibi bikubiye mu cyiswe ‘FIFA Club Benefits Programme’, yashyizweho hagamijwe guhemba amakipe afasha mu gutegura no gutanga abakinnyi bajya guhagararira ibihugu byabo.

Ubu buryo bwatangiye mu gukoreshwa nyuma y’amavugurura yakozwe muri Werurwe 2023, aho hemejwe ko amafaranga yatangwaga agomba kwiyongera kugira ngo inyungu zigerere ku bantu bose bagira uruhare mu Gikombe cy’Isi.

Mu Gikombe cy’Isi giheruka cya 2022, FIFA yari yagabanyije miliyoni 209$ ku makipe 440 yo mu mashyirahamwe 51.

INDI NKURU WASOMA BIFITANYE ISANO : Ibitego umunani mu mukino umwe – UEFA Champions League yagarutse !

Kuri iyi nshuro,amakuru dukesha ESPN yemeza ko aya amafaranga yiyongereyeho 70%, agera kuri miliyoni 355$, aya yose akazagabanywa amakipe yose atanze abakinnyi, yaba yaragize uruhare mu majonjora cyangwa mu mikino ya nyuma.

Ubwo yavuga kuri iyi gahunda nshya ,Perezida wa FIFA Gianni Infantino yagize ati: “Uburyo bushya bwo gutanga amafaranga azafasha cyane amakipe menshi, yaba ayahatanye mu majonjora cyangwa ayageze mu mikino ya nyuma. Tugomba gusaranganya inyungu ku bantu bose bagira uruhare mu iterambere rya ruhago.”

Iri rushanwa ritegerejwe n’isi yose rizabera muri Leta Zunze Ubumwe za Amerika, Mexique na Canada guhera tariki ya 11 Kamena kugeza kuya 19 Nyakanga 2026.

Kugeza ubu amakipe amaze kubona itike yo kwerekezayo ni Canada, Mexico na Leta Zunze Ubumwe za Amerika (bazaryakira); Australia, Iran, Uzbekistan, Jordan, Koreya y’Epfo n’u Buyapani (Asia); Maroc na Tunisia (Afurika); Nouvelle-Zélande (Oceania); ndetse na Argentina, Brésil, Colombia, Ecuador, Paraguay na Uruguay (Amerika y’Epfo).

Imikino y’umunsi wa mbere wa UEFA Champions League irakomeza kuri uyu wa gatatu ndetse imwe mu mikino mini ihari harimo uwo ikipe ya Liverpool kuri Anifield Road Stadium  iraza kuba yakiriye ikipe ya Athletico  Madrid ku isaha y’i saa tatu z’ijoro .

Kuri kampani ya mbere yo gutega ku mikino itandukanye ikorera mu Rwanda ya Fortebet  ,uyu mukino wamaze kugeraho ndetse hari amasoko atandukanye ushobora kuba wawuguraho ku bikubo utasanga ahandi  .

Liverpool gutsinda kwayo bikubiye 1.55      kunganya kwayo  bikubiye 4.50 mu gihe gutsindwa bikubiye 6.10 .

LIVERPOOL – ATLETICO MADRID

17. 9. 2025
Umukino uratangira: 21:00

Muze kuryoherwa n’umukino!

Tega nonaha!