“Kuva Amorim yahabwaga akazi ,ikipe yarushijeho kubona ishyano!” : Wayne Rooney

Mu magambo akomeye kandi agaragaza impungenge, Wayne Rooney wahoze ari kapiteni wa Manchester United ndetse akaba ari nawe mukinnyi watsinze ibitego byinshi kurusha abandi bose babaye muri iyi kipe kuva yashingwa, yatangaje ko ikipe ya United “yagushije ishyano” aho “gutera  imbere  kuva  yatangira gutozwa n’umunya-Portigal – Ruben Amorim .

Rooney yavugiye ibi mu kiganiro cye gikunzwe kitwa The Wayne Rooney Show ,aho yavuze ko nubwo aba yifuza gushyigikira umutoza n’abakinnyi mu buryo bwose bushoboka, ariko ko kugeza ubu bitagishoboka kuvuga ko hari intambwe ikipe iri gutera.

Aho yagize ati:”Ndashaka gushyigikira umutoza n’abakinnyi, ariko ni ibintu bigoye kuvuga ko hari aho bigana. Nta cyizere cy’uko ibintu bizahinduka vuba. Ibyo turi kubona birababaje cyane ndetse n’ishyano.”

Ruben Amorim yahawe inshingano zo gutoza Manchester United ku itariki ya 1 Ugushyingo umwaka ushize, asimbuye Erik ten Hag wari umaze kwirukanwa.

Nyuma y’amezi arenga icumi, ntibiragaragara ko hari intambwe ikomeye yatewe nubwo bamaze gutanga akayabo ka miliyoni £250 ku bakinnyi bashya.

Mu mukino wa derby y’umujyi wa Manchester  wabaye ku munsi wejo , United yatsinzwe ibitego 3-0 na Manchester City ndetse abafana benshi ba United batashye batarinze gutegereza isozwa ry’umukino.

Ibi byatangaje na Rooney ubwe, wavuze ko yiboneye amashusho y’abafana batangira kuva ku kibuga umukino utarangiye.
Aho yongeyeho ati :”Nabonye amashusho y’abafana ba United batangira kuva ku kibuga. Kuri njye, ubwo butumwa bufite imbaraga. Bararirimbye izina rya Amorim, ariko ntabwo  byerekana ibyishimo – ahubwo byari agahinda.”

INDI NKURU WASOMA BIFITANYE ISANO : Rayon Sports y’abagore yageze kuri Finale ya CECAFA Women’s Club Championship

Uyu munyabigwi w’iyi kipe yavuze ko nubwo Amorim yahinduye uburyo United ikina akayijyana muri sisiteme ya 3-4-3 nk’uko yabigenzaga muri Sporting Lisbon,  bisa nkaho amakosa y’igihe cyashize asa n’aho agarutse.

Rooney yongeyeho ati:”Iyo ndebye uburyo twagiye twumva ko ibintu bigiye guhinduka, ko dufite umutoza ufite icyerekezo, birababaje kubona ko ahubwo byabaye bibi kurushaho. Amorim aramutse yiyumviyemo ukuri, nawe yakwemera ko ibintu byarushijeho kuba bibi.”

United yarangije shampiyona ishize iri ku mwanya wa 15, n’amanota 42 gusa — ibi bikaba ari byo bihe bibi kurusha ibindi yagize kuva mu mwaka w’imikino wa 1989-90, ndetse byari amanota make kurusha andi bagize kuva bamanuka muri shampiyona mu 1973-74.

Ushaka gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;niba utariyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .

Uyu munsi tariki ya 15 Nzeri 2025 hari umukino wo muri shampiyona y’Ubutaliyani [Serie A] uza guhuza como 1907 na FC Genoa .

COMO 1907 – FC GENOA

Tega nonaha!