FA irashinja Chelsea ibyaha 74 byakozwe mu gihe yari ifitwe na Roman Abramovich

Ishyirahamwe ry’umupira w’amaguru mu Bwongereza [England FA] ryashyikirije dosiye ikipe ya Chelsea irimo ibyaha 74 iregwa byo kwitiranya ndetse no guhonyora amategeko agenga imyishyurire y’abahagarariye inyungu z’abakinnyi [agents].

Nkuko ikinyamakuru The Standard dukesha iyi nkuru kibivuga ngo ibi byaha bishinjwa iyi ikipe y’I Londres byakozwe  mu myaka hagati yo hagati yo muri 2009 na 2022, ubwo ikipe yayoborwaga n’umuherwe w’umurusiya  Roman Abramovich.

Nk’uko FA ibivuga, ibirego ahanini biribanda ku bikorwa byo hagati yo mu mwaka w’imikino wa 2010 /11 na 2015/16. Ibyaha birimo kwishyura abahagarariye abakinnyi mu buryo butemewe n’amategeko ndetse no gushora imari muri banyiri abakinnyi mu buryo butemewe.

INDI NKURU WASOMA BIFITANYE ISANO : Manchester City igiye kwakira Manchester United idafite umukinnyi wayo w’ingenzi !

Ubuyobozi bw’ikipe ya Chelsea ubwabwo nibwo bwabihisemo kwishyikiriza FA, kandi bagaragaza ubufatanye mu iperereza.Nubwo FA ivuga ko hatazabaho gukurwaho amanota cyangwa ibihano bifite aho bihuriye n’umusaruro uva mu kibuga, Chelsea ishobora guhabwa igihano cyo gucibwa amande angana na miliyoni 10 z’amayero nk’uko byari byagenze mu mwaka ushize nabwo ubwo bahanwaga n’impuzamashyirahamwe ya ruhago ku mugabane w’Uburayi [ UEFA ].

Mu gusobanura ibiri kuba, ubuyobozi bwa Chelsea bwavuze ko nyuma yo kugura ikipe ku ya 30 Gicurasi 2022,  bwashoboye kubona amakuru agaragaza ko hari imyitwarire idahwitse  yabaye mu mafaranga yinjijwe ndetse n’ibindi byaha bihonyora amategeko y’umupira – ibi byatumye bakora raporo y’ikirego ubwabo ku nzego zishinzwe gukurikirana ibi, harimo FA, Premier League na UEFA.

Ikipe ya Chelsea yanditse iti: “Twishimiye ko ubufatanye dufitanye na FA ku birego twihise dutanga bigiye kurangira. Twerekanye ko dushaka gukemura iki kibazo vuba kandi twizeye ko bizaba uko.”

Kurundi ruhande ariko ,Umunyamategeko mu by’imikino Yasin Patel yavuze ko ibyaha byagaragajwe atari ibitangaza, kuko iyi mikorere mibi mu by’amategeko y’imari muri Chelsea yari imaze igihe irimo gusesengurwa.