OPINION – Ese kunganya kwa Nigeria na South Africa haba hari amahirwe biha Amavubi ?

Mu gihe Imikino y’amatsinda yo gushaka itike y’Igikombe cy’Isi cya 2026 muri Afurika yakomezaga guhatana ku munsi wayo wa  munani, ikipe y’Igihugu y’u Rwanda yakoze iby’ingenzi yasabwaga itsinda Zimbabwe  igitego 1-0, ikomeza kwiyongerera amahirwe yo kugera mu gikombe yo kwerekeza mu gikombe cy’isi cya 2026.

Ni umukino wabereye mu gihugu cya Afurika y’Epfo ku munsi wejo kuwa Kabiri, tariki 9 Nzeri 2025, aho intsinzi y’u Rwanda yazamuye amanota yayo agera kuri 11, runganya na Nigeria, ndetse ihita ituma Abanyarwanda bongera kwizera ko ‘Amavubi’ ashobora gukora amateka atari yarigeze yandikwa mbere.

Gilbert Mugisha ni we watsindiye u Rwanda igitego rukumbi cyabonetse muri uwo mukino ku munota wa 40 ,nyuma y’icyo gitego.Umuzamu Fiacre Ntwari na ba myugariro be baranzwe n’imbaraga zidasanzwe  barinda izamu kugeza umukino urangiye.

Zimbabwe yari ku mwanya wa nyuma mu itsinda (Group C) n’amanota ane mu mikino 7 yari imaze gukina , yahushije amahirwe menshi cyane mu gice cya kabiri, ariko igorwa no kubyaza umusaruro amahirwe yabonye.

Mu yindi mikino yabaye muri iri tsinda, Benin yatsindiye Lesotho ibitego 4-0 i Abidjan, ibitego bya Steve Mounié, Andréas Hountondji, Hassane Imorou na Junior Olaitan byafashije Benin kugera ku manota 14, bityo ifata umwanya wa kabiri inyuma ya Afurika y’Epfo.

INDI NKURU WASOMA BIFITANYA ISANO : Umujinya w’abafana ba Kongo- Kinsaha nyuma yo gutsindwa na Senegal wasize sitade y’igihugu ari igisenzegeri !

Undi mukino ukomeye wabaye muri iri tsinda wahuje Afurika y’Epfo na Nigeria i Johannesburg, urangira amakipe yombi anganyije igitego 1-1. Ibi byatumye Afurika y’Epfo igumana umwanya wa mbere n’amanota 17.

U Rwanda ruracyafite urugendo rurerure ariko rushoboka. Gutsinda umukino wo hanze nk’uyu ni ikimenyetso ko ikipe iri gukura mu mutwe no mu mikinire. Nubwo abasesenguzi benshi batari bahaye amahirwe Amavubi, ubu bibaye ngombwa ko yongera kugarukwaho.

Amaso yose yerekejwe ku mukino ugomba guhuza Amavubi na South Africa muri iwabo  ndetse n’uburyo Benin yazitwara mu mikino yayo ihera .