Police Fc yongeye gutsinda APR Fc, Iyikura ku gikombe yateguye

Ikipe ya Police Fc yatsinze ikipe ya APR Fc mu mukino warangiye ari ibitego 3 bya Police Fc kuri 2 bya APR Fc, Mu mukino w’Irushanwa ry’Inkera y’Abahizi rya teguwe n’Ikipe ya APR Fc. 

Ni umukino watangiye Saa moya zo mu Rwanda, Aho watangiye nyuma y’Umukino As Kigali yari imaze gutsinda ikipe ya Azam Fc igitego 1 ku busa.

Igice cya mbere, Ikipe ya Police Fc niyo yabanje gutsinda igitego cya mbere ibifashijwemo na Byiringiro Lague watsindaga ikipe ya APR Fc bwa mbere kuva ayivuyemo.

Rutahizamu wa APR Fc, William Togui Mel uturuka muri Cote d’Ivoire, Yaje gufasha ikipe ya APR Fc kwishyura icyo gitego igice cya mbere kirangira ari igitego 1 kuri 1.

Mu gice cya kabiri, Rutahizamu wa APR Fc,  Umeze neza muri iyi minsi Mamadou Sy, Yatsinze igitego cya 2 cya APR Fc, Cyaje guhita cyishyurwa na Muhozi Fred wa Police Fc, Biba ibitego 2 kuri 2.

Nyuma y’Iminota mike, Rutahizamu wa Police Fc Mugisha Didier bakunze kwita Taichi, Yaje gutsinda igitego cya 3 cya  Police Fc umukino urangira ari ibitego 3 kuri 2.

Ikipe ya Police Fc yongeye gutsinda ikipe ya APR Fc nyuma yo kubatsinda mu mukino wa gicuti ibitego 2 kuri 1.

APR Fc muri iri rushanwa ry’Inkera y’Abahizi yahise isezerwa kuko isigaje gukina umukino 1 kandi nta nota ifite kuko yatsinzwe na As Kigali kuri Penaliti 5 kuri 4.

Ikipe ya Police Fc na As Kigali zizakina muri iyi weekend nizo zifite amahirwe menshi yo kuba haboneka ikipe izatwara iki gikombe cyateguwe n’Ikipe ya APR Fc.