Ouattara yafashije APR guha isomo Power Dynamos

Umukino wa mbere wabimburiye Inkera y’Abahizi, Irushanwa ryateguwe n’Ikipe y’Ingabo z’Igihugu APR usize iyi kipe ya APR Fc itsinze ibitego 2 ku busa bwa Power Dynamos.

‎Ni umukino APR yagiye gukina yahisemo kutabanzamo bamwe mubasore bayo bashya nka Memel Dao ndetse na Togui Mel,

11 ba APR Fc bari babanje mu kibuga ni:

1.Ishimwe Pierre

2.Niyomugabo Claude

‎3.Nshimiyimana yunusu

‎4. Ombarenga Fitina

5. Dauda Yousseif

‎6. Ruboneka jean Bosco

7. Ngabonziza Pacific

8. Djibril Ouatarra

‎9. Hakim Kiwanuka

10. Niyigena Clement

‎11. Mamadou Sy

Ni umukino watangiye Saa cyenda, Kuri Stade Amahoro I Remera, Aho igice cya mbere ikipe ya APR Fc na Power Dynamos wabonaga nta imwe iri kurasha indi cyane ku buryo yateza indi ibibazo, Icyo gice cya mbere cyaje kurangira amakipe yombi anganya ubusa ku busa.

Mu gice cya kabiri hashize iminota 4′, APR Fc yaje kubona ‎igitego cya mbere cyatsinzwe na Ouatarra, Nyuma y’Umupira mwiza wari uhinduwe na Ruboneka Jean Bosco wahanaga ikosa.

Igitego cya kabiri cya APR nacyo cyatsinzwe na Ouatarra nyuma y’Amakosa yari akozwe n’Umukinnyi wa Power Dynamos wari utanze umupira usubira inyuma, Ouatarra wari wakurikiye ahita afata uwo mupira, Ashyiramo ikindi gitego ku monota wa 54′.

Indi mikino izaba nyuma ya Power Dynamos na APR Fc, mu Inkera y’Abahizi

Ku wa Kabiri, tariki ya 19 Kanama 2025,  Inkera y’Abahizi iraza kuba yakomeje aho ikipe ya Police Fc izaba icakirana na Azam Fc yo muri Tanzania kuri Kigali Pele Stadium, APR yo izaba ikina na AS Kigali.

Umukino wa APR wowe wawubonye ute?