Perezida wa FIFA yifatanyije na Semenyo wakorewe ironda ruhu

Perezida w’Ishyirahamwe ry’Umupira w’Amaguru ku Isi FIFA, Gianni Infantino yihanganishije Antoine Semenyo wakorewe ironda ruhu n’Umufana wa Liverpool ubwo bakinaga umukino wa mbere wa Shampiyona y’Ubwongereza 2025-2026.

Tariki ya 15 Kanama 2025, Kuwa wa Gatanu w’Icyumweru twasoje, Nibwo Shampiyona y’Igihugu cy’Ubwongereza (English Premier League) 2025-2026 yatangiraga. Ikipe ya Liverpool yatsinze uwo mukino ibitego 4 kuri 2 ikipe ya AFC Bournemouth bakinaga.

Ubwo umukino wari ugeze ku munota wa 30′ umukino warahagaze kubera umukinnyi ukomoka muri Ghana, Antoine Semenyo wari umaze gukorerwa ironda ruhu n’umufana wa Liverpool mu buryo bwagarariye buri wese.

Umusifuzi Anthony Taylor, yahise ahamagaza ba Kapiteni b’Impande zombi haba Liverpool na Bournemouth, Na Antoine Semenyo baganira niba bakomeza gukina uwo mukino, Ariko Semenyo yirengagiza ibyo yari amaze gukorerwa asaba ko umukino wakomeza ibindi bikaza kurikiranwa nyuma y’Umukino.

Muri uwo mukino Antoine Semenyo yaje no guhita yitwara neza atsinda ibitego 2 rukumbi ikipe ya Bournemouth yatsinze Liverpool.

Harimo na Perezida wa FIFA, Benshi bakomeje kwihanganisha Semenyo abandi bamushima ku cyemezo cy’Ubutwari yakoze;

Perezida w’Ishyirahamwe ry’Umupira w’Amaguru ku Isi FIFA, Gianni Infantino yanditse ubutumwa kuri Instagram nawe agira icyo avuga ku byabaye kuri Semenyo. Yagize ati;

“Ntabwo bikwiye kwemerwa na gato ibikorwa by’ivangura ku ruhu byakorewe Antoine Semenyo wa Bournemouth, Bigatuma umukino uhagara wa Premier League kuri Anfield”

“Umupira w’Amaguru nta mwanya w’Ivangura ufite cyangwa itotezwa, iryari ryo ryose, Antoine yakomeje gushyiramo imbaraga yitwara neza no mu kibuga n’ubwo ibyo byari bimaze kumubaho, Ni Urugero rwiza rw’Umunyembaraga no kugira Ijabo ku bandi bakinnyi ku Isi.

“Mu nama ya Kongire (Congress) rusange ya FIFA yabaye 2024, hemejwe itsinda rya ‘Player’s Voice Panel’, Mu mpamvu 5 ryashyiriweho harimo no kurwanya ivangura, Bazakomeza kuba hafi Antoine kandi bakomeze no gukurikirana ibi bibazo.

“Tuzakomeza gukurikirana ko umukinnyi yubahawa kandi akanarindwa, Nabategura amarushanwa nabo bagomba gufata ingamba zikwiye.

“Buri umwe wese muri FIFA na ‘Player’s Voice Panel’ twifatanyije na Antoine Semenyo kandi tuzakomeza kumuha ubufasha budashidikanywaho, Tuzafasha na AFC Bournemouth na Premier League (FA) ko bashyiraho ibihano bikomeye no gufata ingamba zikwiye mu rwego rwo kurandura Ivangura n’Itotezwa mu mukino wacu”.

Tubibutseko umufana wa Liverpool wakoze ibi yahise yirukanwa ku kibuga burundu, Ubu ntabwo yemerewe kongera kuza kuri Stade zabereyeho umupira w’Amaguru mu gihugu cy’Ubwongereza.